Leeve Lüd ut de Dörper vun dat Amt Leezen!

Thema: News
Schlagwörter:
veröffentlicht am 26. Januar 2012 (letzte Änderung am 27. Januar 2012)

Wi sünd nu all een ganze Tied „unner de Fuchtel“ vun de vhs Sebarg – un dat geit good, so as ik dat mitkrieg.
De Kurse loopt, de Pastoratsschüün is open vör Kurse, de „Rückturners“ turnt ok noch düchtig, de Entspannungskurse wart annohm un snackt wart op Platt un Engelsch.

Dormit dat allens as eigenständige Volkshochschool vun dat Amt Leezen so wieder geiht, weer dat schön, wenn jümmers noch mehr Dehlnehmers koomt, in Kurse rinkiekt un ok biblievt.

Ik freu mi, dat dat so löpt, un wünsch ju all Freud, Spoß un natürli „Lernzuwachs“ bi de Kurse.

Hilde Albers, Schoolmeisterin in de School Leezen